Сиз каби пок ва тарбияли ёшларни ёмон бир муҳитнинг ёмон одатлари таъсирида ахлоқсиз ҳолга тушиш фалокатидан муҳофаза этади.

Мана шунинг учун "Рисолаи Нур"ни садоқат ила ва давомли ўқиган ҳақиқий Нур талабаси ахлоқан паст инсонлар орасида қолсада, ахлоқини бузмай, улардан узоқлашиб, ўзини қутқаради.

Ҳам ахлоқ ва тарбиясини юксалтириш учун нафс мужодаласига киришади. "Рисолаи Нур"дан олган маълумот ва иймоний қувват-ла бунга муваффақ бўлади. Ҳам ўзи у бузуқ жамиятга ва кимсаларга кўникиб қолмайди, билъакс, "Рисолаи Нур"ни нашр этиб, иймоний асослар заифлигининг натижаси ўлароқ бузилган у жамиятни иқно ва ислоҳ этмоқ жаҳдига соҳиб бўлади. Ижтимоий юксак асослари-ла қуролланган бир ислоҳотчи каби, ғоя ва тутимларида тараққиётларга эришади. Даъвосини илгари суришда ва ўринлатишда худди зафар кетидан зафарга эриша бошлайди.

Ҳа, биродарлар! Бугун ижтимоий дард ва яраларимизни ҳал этиб, даволайдиган энг асосли ва энг таъсирли омил ва қамровли низом бўлган бир ҳақиқат манбаи бордир, у ҳам бўлса, "Рисолаи Нур"дир. Шунинг учун, ҳақиқатни идрок эта оладиган ҳақиқий мунавварлар ва уйғоқ мактаб ёшлари буюк бир аксарият-ла "Рисолаи Нур"га отилмоқдалар.