Хава, рызка етмегиң гүйч-гайрат ве ыгтыяр билен болмаяндыгына, гайта терсине эҗизлик хем гүйҗи песлик билен ол рызка етилйәндигине дүшүнмек үчин балыклар билен тилкилери, яңы дүнйә инен җандарлар билен йыртыҗылары, агачлар билен хайванлары деңешдирип гөрмек етерликдир.

Диймек, гүзеран үчин намазыны терк эден адам сөвеш вагты сөвеш мейданыны ташлап, базарда дилегчилик этмәге отурана меңзәр. Эмма намаз оканыңдан соңра, башгалара йүк болмазлык үчин Җенабыреззакы-Керимиң рехметинден дөрейән рызкың угрунда болмак хас гөвнеҗайдыр, мертликдир хем-де ыбадатдыр.

Ынсан өз дурмушының дүйп мазму-нына акыл етирйәр. Ынсаның ыбадат үчин ярадыландыгына онуң тебигаты ве рухы дуркы шаятлык эдйәр. Себәби, адам шу дүнйәдәки яшайышына зерур болан амал ве гудрат тайындан иң пес бир серче гушуча-да болуп билмез...