Ол тәлим ве дүзгүн-нызам болса илки башда намаз-ыбадатдыр. Ол сөвеш болса, небсе ве бош мейиллере, җын хем ынс шейтанларына гаршы гөрешдир. Нетиҗеде, гүнәлерден ве ахлакы хая-шерим ишлерден өзүңи даш тутуп, калбыңы хем-де рухуңы эбеди хеләкчиликден халас этмекдир. Ол ики везипәниң бири - бизе өмүр берен Алланың бизиң рызкымызы бермегидир. Бейлекиси, ягны, бизиң везипәмиз болса, бизи ярадана ве рызк берене бенделик эдип ялбармакдыр. Оңа төвекгеллик эдип, ынам этмекдир.

Хава, бизе иң бир аҗайып Самеданы сунгат ве иң тәсин Реббаны бир хикмет болан дурмушы ким берен болса, бизи ким ярадан болса, рызк билен эклеҗек-де, оны довам этдирҗек-де Олдур. Башгача болуп билмез! Делил гетирейинми? Сын эт, иң эҗиз, иң акылсыз җандарлар бол хем говы иймитленйәрлер (мивә дүшен гурчуклар ве балыклар ялы). Иң оңат рызк - иң гүйчсүз, иң нәзик ярадыланларыңкыдыр (яңы дүнйә инен җандарлар ве чагалар ялы).