Бу ҳоллар ҳам ҳирснинг на даража сабаби машаққат эканини, қаноат эса нақадар мадори роҳат эканини кўрсатади.

Яна. Яҳудий миллати ҳирс билан, рибо билан, ҳийла ўйинлари билан ризқларини зиллатли ва сафолатли, ғайри машруъ ва абадий яшайдигандай бир ҳолатда излашлари, аксинча, саҳронишинларнинг, яъни, бадавийларнинг қаноаткоряик туфайли иззат билан яшашлари ва етарли ризқни топишлари мазкур даьвоимизни исбот этади.

Яна. Кўп олимларнинг3~ҳошия ва адибларнинг 4-Ҳошия заковатлари берган бир ҳирс сабабидан фақир ҳолга тушишлари, аммо кўп тентак ва иқтидорсизларнинг фитрий қаноатли эканлари туфайли бойиб кеташлари қатьий бир суратда исбот этади-ки, ҳалол ризқ иқтидор ва ихтиёр билан эмас, балки ажз ва фақрга кўра келади. Ҳатто ул ризқи ҳалол иқтидор ва ихтиёрга тескари мутаносибдир.