Ушбу мактуб икки қисмдан иборатдир. Биринчи қисм аҳли иймонни ухувватга ва муҳаббатга даъват этади.

Мўъминлардаги нифоқ ва шиқоққа, кин ва адоватга сабаб бўлгувчи тарафкашлик ва қайсарлик ва ҳасад ҳақиқату ҳикмат жиҳатидан ҳам, инсонийяти кубро бўлмиш Исломийят ва ҳаёти шахсийя ва ҳаёти ижтимоийя ва ҳаёти маънавийя нуқтаи назаридан ҳам чиркин ва мардуддир, зарарли ва зулмдир. Ва ҳаёти башарийя учун заҳардир. Шу ҳақиқатнинг ғоят кўп вужуҳидан олти важҳни баён этамиз.