Хусусан: Муҳаббатга сабаб бўлган иймон ва тавҳид, Уҳуд тоғи кабидир. Адоватга сабаб бўлган нарсалар, шағал тошлари кабидир. Шағал тошларини Уҳуд тоғидан оғир деб ҳисобламоқ қанчалик ақлсизлик бўлса, мўъминнинг мўъминга адовати ҳам шунчалик қалбсизликдир. Мўъминлардаги адоват фақат ачиниш маъносида бўлиши мумкин.

Алҳосил: Иймон муҳаббатни, Исломият самимий дўстликни тақазо қилади.

Азиз Сиддиқ Қардошларим!

Аввало: Ҳам ўтган, ҳам келажак, ҳам моддий, ҳам маънавий байрамингизни ва муборак кечаларингизни бутун руҳу жонимла табриклаб ва қилган ибодат ва дуоларингизни мақбул бўлишини Раҳмати Илоҳиядан бутун руҳу жонимизла ниёз этиб, истаб, у муборак дуоларга омин деймиз.

Иккинчидан: Ҳам кўп марта маънавий, ҳам кўп жиҳатлардан аҳамиятли икки саволларига маҳрамона жавоб беришга мажбур бўлдим.