Йигрими үч сагадыны шу гысгаҗык дүнъеви дурмуша багш эдип, ол соңсуз, эбеди дурмушына бир сагадыны хем дөзмейән адам ненеңси зыяна галар, өзүне зулм берип, акыла сыгмаян херекет эдер. Меселем, мүң адамьщ шәрик болян лотарея ойнуна ярым байлыгыңы сарп этмеги макул гөрйән болсаң, онда сениң газанмак әхтималлыгың мүнден бирдир. Хачанда йүзде тогсан докуз әхтималлыгы билен бәхбит газаньш, хайыр гөрҗек болуп дурка, йигрими дөрт байлыгының екеҗе бирини эбеди дурмуш үчин сарп этмейән адамың, акыла сыгмаҗак херекет эдйәндигини, ненеңси аклындан азашандыгыны өзүни азда-кәнде акылы еринде сайян аңламазмы?

Намазда рухуң, калбың ве акылың гөр, нәхили улы рахатлыгы бардыр. Ол сениң бедениң үчин хем о диен агыр иш дәлдир. Шейле хем намаз окаян адамың адаты дүнъеви амаллары ягшы ниетлилиги үчин ыбадата өврүлер. Нетиҗеде, ол тутуш өмүр сермаясыны ахырет хасабына гечирип билер. Башгача айтсак, паны өмрүни бакылашдырар.