سوزلر | اون دردنجى سوز | 232
(216-232)

يدنجى سؤال: بو حادثۀِ أرضيه، بو مملكتڭ أهالئِ إسلاميه‌سنه باقمسى و اونلرى هدف ايتمه‌سى، نه ايله آڭلاشيلييور و نه‌دن أرزنجان و إزمير طرفلرينه داها زياده ايليشييور؟


الجواب: بو حادثه، هم شدّتلى قيشده، هم قراڭلقلى گيجه‌ده، هم دهشتلى صوغوقده، هم رمضانڭ حرمتنى طوتميان بو مملكته مخصوص اولماسى؛ هم تخريباتندن إنتباهه گلمدكلرندن، خفيفجه غافللرى اويانديرمق ايچون، او زلزله‌نڭ دوام ايتمه‌سى گبى چوق أماره‌لرڭ دلالتيله بو حادثه أهلِ ايمانى هدف ايدوب، اونلره باقوب نمازه و نيازه اويانديرمق ايچون صارصييور و كنديسى ده تيتره‌يور. بيچاره أرزنجان گبى يرلرده داها زياده صارصماسنڭ ايكى وجهى وار


برى: خطالرى آز اولمق جهتيله تميزله‌مك ايچون تعجيل ايديلدى.


ايكنجيسى: او گبى يرلرده قوّتلى و حقيقتلى ايمان محافظلرى و إسلاميت حاميلرى آز ويا تام مغلوب اولمق فرصتيله، أهلِ زندقه‌نڭ اوراده تأثيرلى بر مركزِ فعاليت تأسيسلرى جهتيله أڭ أوّل اورالرى طوقاتلادى، إحتمالى وار. {لاَ يَعْلَمُ الْغَيْبَ اِلاَّ اﷲُ}


سُبْحَانَكَ لاَ عِلْمَ لَنَا اِلاَّ مَا عَلَّمْتَنَا اِنَّكَ اَنْتَ الْعَلِيمُ الْحَكِيمُ

سس يوق

سوزلر