Масалан: Мукаммал бир дорихонаки, ҳар идишидаги нозик ва ҳассос мезонлар-ла ўлчанган зиҳаёт маъжунлар ва тирёқлар, шубҳасиз, ғоят маҳоратли ва кимёгар ва ҳакийм бир доричисининг борлигига қандай далолат қилса, айнан шунингдек, Курраи Арз дорихонасида мавжуд тўрт юз минг хил наботот ва ҳайвонот идишларидаги зиҳаёт маъжунлар ва тирёқлар, бу дунё бозорйдаги дорихонадан қай даража ортиқ мукаммал ва буюк бўлса, ўқиётганингиз фанни тиб, миқёси-ла, Курраи Арз дорихонаи кубросининг доричиси бўлмиш Ҳакийми Зулжалолни ўша нисбатда ҳатто кўр кўзларгада кўрсатади, таниттиради.

Ҳам, масалан: Бир хориқо фабрикаки, мингларча хил матоларни оддий бир моддадан тўқиши, шаксиз, бир фабрикачини ва маҳоратли машинкачини қандай таниттирса, айнан шунингдек, Курраи Арз деб аталувчи юз мингларча бошли ва ҳар бошида юз мингларча мукаммал фабрика бўлган бу сайёр машинаи Раббонийя, бу инсон фабрикасидан қай даражада катта бўлса, мукаммал бўлса, ўқиётганингиз фанни техник, миқёси-ла, Курраи Арзнинг устасини ва соҳибини ўша нисбатда билдиради ва таниттиради.