ИМАН ХАКЫЙКАТЬЛӘРЕ | ИМАН ХАКЫЙКАТЬЛӘРЕ | 20
(1-128)

ХӘШЕР* ҺӘМ АХИРӘТКӘ ЫШАНУ

 

* Хәшер - кешеләрнең үлгәннән соң, кыямәт көнне те-релеп, бергә җыелуы.

 Мәгънәсе: "Аллаһның рәхмәт әсәрләренә (галәмәтләренә) кара! Ул, зур Җир шарын үлгәннән соң

терелткән кебек үк, сезне дә үлгәннән соң терелтә ала. Аның көче-кодрәте һәрнәрсәгә җитә".

БЕРЕНЧЕ ХАКЫЙКАТЬ. Бер генә дәүләт тә үз кануннарына буйсынучыларга эш хакы һәм бүләк, ә буйсынмыйча баш күтәрүчеләргә җәза бирмичә яши алмый. Шуның кебек үк Аллаһның галәмдәге пат-шалыгында, солтанлыгында да Аның әмерләренә буйсынучы бәндәләргә изге гамәлләрнең хакын һәм бүләкләрен бирү, ә баш күтәрүчеләргә җәза бирү урыннары булуы шарттыр. Бу хак, бүләк һәм җәза бирү урыннары бары тик ахирәттә генә булыр.

ИКЕНЧЕ ХАКЫЙКАТЬ. Аллаһның Кәрим, Рәхим һәм Газиз исемле исемнәре, җәза һәм мөкяфәт (гамәлләрнең хакы) урыны булган ахирәтнең хак-лыгын катгый рәвештә исбат итә. Аллаһның бу галәмдәге чиксез бер рәхмәте, чиксез бер кәрәмәте һәм чиксез без гыйззәте (солтанлыгы) бардыр. Мәсәлән, Аллаһе Тәгалә яз фасылында бөтен агачларны ефәк кебек ямьяшел яфраклар һәм төрле чәчәкләр белән бизи.
Тавыш юк

ИМАН ХАКЫЙКАТЬЛӘРЕ