قارداشلرم

أهلِ وقوف راپورندن آڭلاشيلييور كه: رسالۀِ نور، بزه قارشى بتون معارض طائفه‌لرى مغلوب ايدييور كه؛ ”حجّة اﷲ البالغه“ و ”إختيار“ و ”إخلاص“ رساله‌لرينه تكرار ايله نظرِ دقّتى جلب ايدييورلر. هم غايت سطحى و جوابلرى پك ظاهر و گويا متعصّبانه خواجه‌وارى تنقيدلرى و هيچ مناسبتى اولميان و حقيقى متطابق اولان مسئله‌لرى آڭلامادن ”مابيْنلرنده تضاد وار“ ديمه‌لرى و رساله‌لرڭ يوزده طقساننى تماميله چكينميه‌رك تصديق و تقديرلرى و تسليملرى و هجماتِ ستّه ذيلنڭ پك شدّتلى بر صورتده يڭى ايجادلره فتوا ويرنلرى جرح و تزييف ايتمه‌سنه مقابل، يالڭز نزاهتِ لسانيه دگل ديمشلر. و دينسزلر طرفندن ئولديريلن مظلوم و ديندار خرستيانلر آخر زمانده بر نوع شهيد اولابيلير ديديگمى؛ باش آچيق نماز قيلمق و توركجه أذان اوقومغه ذيلڭ شدّتِ هجومنى ضد گوسترمه‌لرى ايله إكتفا ايتمه‌لرى، قطعيًا اونلرڭ رسالۀِ نوره قارشى مغلوبيتلرينى گوسترييور قناعتنى ويرييور