لمعه‌لر | يگرمى طوقوزنجى لمعه | 661
(660-743)
يگرمى سنه أوّل أسكيشهر حپسنده تجريدِ مطلقده ايكن يازيلان

بر لمعه‌در

بِسْمِ اﷲِ الرَّحْمٰنِ الرَّحِيمِ

اَلْحَمْدُ ِﷲِ رَبِّ الْعَالَمِينَ

وَ الصَّلاَةُ وَ السَّلاَمُ عَلٰى سَيِّدِنَا مُحَمَّدٍ

وَ عَلٰى اٰلِهِ وَ صَحْبِهِ اَجْمَعِينَ

إفادۀِ مرام

اون اوچ سنه‌دن بَرى قلبم، عقلم ايله إمتزاج ايدوب قرآنِ معجز البيانڭ {لَعَلَّكُمْ تَتَفَكَّرُونَ ❊ لَعَلَّهُمْ يَتَفَكَّرُونَ ❊ اَوَلَمْ يَتَفَكَّرُوا فِى اَنْفُسِهِمْ مَا خَلَقَ اﷲُ السَّمٰوَاتِ وَ اْلاَرْضَ ❊ َلاٰيَاتٍ لِقَوْمٍ يَتَفَكَّرُونَ} گبى آيتلرله أمر ايتديگى تفكّر مسلگنه تشويق ايتديگى و {تَفَكُّرُ سَاعَةٍ خَيْرٌ مِنْ عِبَادَةِ سَنَةٍ} حديثِ شريفى بعضًا بر ساعت تفكّر بر سنه عبادت حكمنده اولديغنى بيان ايدوب، تفكّره عظيم تشويقات ياپديغى جهتله، بن ده بو اون اوچ سنه‌دن بَرى مسلكِ تفكّرده عقل و قلبمه تظاهر ايدن بيوك نورلرى و اوزون حقيقتلرى كنديمه محافظه ايتمك ايچون إشارت نوعندن بعض كلماتى او أنواره دلالت ايتمك ايچون دگل، بلكه وجودلرينه إشارت و تفكّرى تسهيل و إنتظامى محافظه ايچون وضع ايتدم. غايت مختلف عربى عباره‌لرله كندى كنديمه او تفكّرده گيتديگم زمان، او كلماتى لسانًا ذكر ايدييوردم


سس يوق

لمعه‌لر