لمعه‌لر | يگرمى سكزنجى لمعه | 628
(580-659)

هم إسپارطه‌نڭ أڭ ضعيف طمارى، سببِ إتهاممز اولان طريقتى أڭ قوّتلى سبب گوسترمسى، ظن ايدرم بو معناسز طريقت هوسى سببيت ويرمشدر.


بوراده بو توقيفمزڭ أڭ قوّتلى سببى، بو بعض صافدللرڭ هوسندن و بنمله ده مناسبتلرى طريقت سوسى ويرديگندن تخمين ايدرم. پك چوق رجا ايدرم، بنم بو تنقيدمدن گوجنمه‌يڭز.


سعيد النورسى

*****

قارداشلرم!


رسالۀِ نورى مدافعه و محافظه‌سنده هركس، حتّى بن ده چكيلسه‌م، بش قارداشمزڭ چكيلمه‌ملرى گركدر. بو آرقداشلريمز: حسين اوسته، خليل إبراهيم، رأفت بك، خسرو و حقّى أفنديلردر.


اوچ أوّلكيلرڭ إختيارسز إحتياطسزلغى، ديگر ايكيسنڭ ظاهرى دشمنلرينڭ شخصى غرضلرى يوزندن رسالۀِ نوره قارشى چوق فضله ضرر ياپيلمق ايسته‌نيلمسنه گوره، رسالۀِ نور أهمّيتلى بر صورتده إشتهار و إنتشار ايتمه‌سى گبى بر نعمتِ عظمايى نتيجه ويرمسه ايدى، بو قدر مغدور و معصوم رسالۀِ نور شاكردلرينڭ تألّماتنه سببيت ويردكلرندن طولايى بو قارداشلريمزڭ روحلرى پك چوق صيقيله‌جقدى.


ايشته هركسدن زياده بو بش قارداشمزڭ إحتياط ايدوب يكوجود بولونمالرى لازمدر.


سعيد النورسى

سس يوق

لمعه‌لر