لمعه‌لر | يگرمى سكزنجى لمعه | 580
(580-659)
يگرمى سكزنجى لمعه

أسكيشهر حپسخانه‌سنده إختلاطدن و قونوشمقدن ممنوع اولديغم زمانده، قارشيمده‌كى قارداشلريمه تسلّى ايچون يازديغم قيصه‌جق فقره‌لرڭ بر قسميدر.


بِسْمِ اﷲِ الرَّحْمٰنِ الرَّحِيمِ

حپسڭ بر لطيف خاطره‌سيدر كه: رسالۀِ نور گيزله‌نير فقط سونمز و سوندورولمز.

بر عالمِ معناده حضرتِ إمامِ على رضى اﷲ عنهڭ علمندن صوردم: ”{اَحْرُفُ عُجْمٍ سُطِّرَتْ تَسْطِيرًا} ديمشسڭ، مرادڭ نه‌در؟“


ديدى: ”{عُجْمٍ} يعنى هجاوارى، تركيبسز و وفقلرده رقم‌وارى شكلسز حرفلردر كه؛ لاتينى حروفيدر. لا دينى زماننده تعمّم ايدر.“


صوڭره صوردم: ”أرجوزه‌ڭده بندن بحث ايله كنديڭى محافظه ايت ديمشسڭ. هم تام وقتنده أمريڭزى گوردك، فقط مع التأسّف كنديمزى محافظه ايده‌مدك، بو بلايه دوشدك. شخصمدن بيڭلر دفعه داها أهمّيتلى اولان رسالۀِ نوردن بحث و إشارتڭ يوق مى؟“ ديدم.


سس يوق

لمعه‌لر