لمعه‌لر | سكزنجى لمعه | 93
(54-118)

{وَكُنْ يَا سَعِيدِ كُرْدِى قَادِرِىَّ الْوَقْتِ} جفر و أبجد حسابيله تام بيڭ اوچيوز يگرمى يدى (١٣٢٧) تاريخِ مشهوره‌سنه و او إنقلابِ عظيمڭ و سعيدڭ مبدأِ مجاهده‌سنه توافق ايتديگى گبى؛ {وَكُنْ يَا نُورْسِى قَادِرِىَّ الْوَقْتِ ِﷲِ} مشدّد لام بر صاييلمق شرطيله شو بيڭ اوچيوز أللى بر (١٣٥١) تاريخِ عجيبه‌سنه و سعيدڭ بر جهتده منتهاىِ مجاهده‌سنه توافق ايدييور. بو صورتده {ِﷲِ} كلمه‌سى وار، اونڭله إشارت ايدر كه؛ إن شاء اﷲ بدايتده اولديغى گبى وقت و زمانه اويمق دگل، بلكه ِﷲ ايچون مجاهده ايده‌جك و ايدييور. هم كرامتِ غوثيه إشارتلرى و بو إشارتِ غيبيه‌سى عين بو مصيبتلى تاريخده و أڭ صيقنتيلى بر زمانده آڭلاشيلماسى و إنتشار ايتمه‌سى، بيوك بر لطفِ إلٰهيدر و قرآن خدمتكارلرينه قوّتلى و قطعى بر تسلّيدر. يوقسه بو چوق صيقنتيلى مصيبت ايسه، چكيلير بلالردن دگلدر. تام غوث كندى مريدينڭ و او مريدڭ آرقداشلرينڭ إمدادينه بو صورتله يتيشوب تسلّى ايتدى. {اَلْحَمْدُ ِﷲِ هٰذَا مِنْ فَضْلِ رَبِّى}


عبد اﷲ (رح)، مصطفى (رح)، مصطفى (رح)، رشدى (رح)، خسرو (رح)،


رأفت (رح)، مصطفى چاوش (رح)، عبد اﷲ چاوش (رح)،


دائمى خدمتكارى سليمان (رح)


سس يوق

لمعه‌لر