مكتوبات | اون طوقوزنجى مكتوب | 195
(128-315)

برنجيسى: بر روايتده وار كه، او كچى‌نڭ قولى خبر ويرديگى وقت، بعض صحابه‌لر ده ايشيتديلر.


ايكنجيسى: هم بر روايتده واردر كه، رسولِ أكرم عليه الصلاة والسلام خبر ويردكدن صوڭره ديدى: ”بسم اﷲ دييڭز، اوندن صوڭره يييڭز. زهر داها تأثير ايتميه‌جكدر.“ شو روايتى چندان ابن حجرِ عسقلانى قبول ايتمه‌مش، فقط باشقه‌لرى قبول ايتمشلر.


اوچنجيسى: هم دسّاس يهوديلر، رسولِ أكرم عليه الصلاة والسلامه و مقرّبينِ صحابه‌يه بردن ضربه وورمق ايستدكلرى حالده، بردن غائبدن خبر ويريلمش گبى، حادثه‌نڭ إنكشافى و دسيسه‌لرينڭ عقيم قالماسى و او إخبارڭ إفاده ايتديگى واقعه طوغرى چيقماسى و هيچ بر وقت صحابه‌لرى نظرنده متخالف بر خبرى گورولمه‌ين ذاتِ أحمديه‌نڭ ”شو كچى‌نڭ قولى بڭا سويله‌يور“ ديمسى؛ هركسڭ قولاغيله او كچيدن، او سوزى ايشيتمه‌سى قدر قناعتِ قطعيه‌لرى اولمش.

سس يوق

مكتوبات