مكتوبات | دردنجى مكتوب | 25
(24-27)
ايكنجيسى: طريقِ نقشى حقّنده دينيلن

دَرْ طَرِيقِ نَقْشِبَنْدِى لاَزِمْ اٰمَدْ چَارْ تَرْكْ

تَرْكِ دُنْيَا تَرْكِ عُقْبٰى تَرْكِ هَسْتِى تَرْكِ تَرْكْ

اولان فقرۀِ رعنا بردن خاطره گلدى. او خاطره ايله برابر، بردن شو فقره طلوع ايتدى

دَرْ طَرِيقِ عَجْزمَنْدِى لاَزِمْ اٰمَدْ چَارْ چِيزْ

فَقْرِ مُطْلَقْ، عَجْزِ مُطْلَقْ، شُكْرِ مُطْلَقْ، شَوْقِ مُطْلَقْ اَىْ عَزِيزْ!

صوڭره سنڭ يازديغڭ: ”باق كتابِ كائناتڭ صفحۀِ رنگيننه، إلى آخر..“ اولان رنگين و زنگين شعر خاطريمه گلدى. او شعر ايله سمانڭ يوزنده‌كى ييلديزلره باقدم. ”كاشكه شاعر اولسه ايدم، بونى تكميل ايتسه ا‌يدم.“ ديدم. حالبوكه شعر و نظمه إستعدادم يوقكن ينه باشلادم، فقط نظم و شعر ياپامدم؛ ناصل خطور ايتدى ايسه، اويله يازدم. بنم وارثم اولان سن، ايسترسه‌ڭ نظمه چوير، تنظيم ايت. ايشته بردن خاطره گلن شو


ديڭله ده ييلديزلرى شو خطبۀِ شيريننه

نامۀِ نورينِ حكمت، باق نه تقرير أيله‌مش

هپ برابر نطقه گلمش، حق لسانيله ديرلر

بر قديرِ ذو الجلالڭ حشمتِ سلطاننه

سس يوق

مكتوبات