سوزلر | لمعات | 974
(925-1019)
قادينلر يووالرندن چيقوب بشرى يولدن چيقارمش، يووالرينه دونملى
(❊) اِذَا تَاَنَّثَ الرِّجَالُ السُّفَهَاءُ بِالْهَوَسَاتِ
اِذًا تَرَجَّلَ النِّسَاءُ النَّاشِزَاتُ بِالْوَقَاحَاتِ
ميمسز مدنيت، طائفۀِ نسايى يووالردن اوچورمش، حرمتلرى ده قيرمش، مبذول متاعى ياپمش. شرعِ إسلام اونلرى
رحمةً دعوت ايدر أسكى يووالرينه. حرمتلرى اوراده، راحتلرى أولرده، حياتِ عائله‌ده. تميزلك زينتلرى.
حشمتلرى، حسنِ خُلق؛ لطفِ جمالى، عصمت؛ حسنِ كمالى، شفقت؛ أگلنجه‌سى، أولادى. بونجه أسبابِ إفساد، دميرثبات قرارى
لازمدر تا طايانسين. بر مجلسِ إخوانده گوزل قارى گيردكجه ريا ايله رقابت، حسد ايله خودگاملق تبره‌تير طمارلرى!
ياتمش اولان هوسات، بردن بره اويانير. طائفۀِ نساده سربستى إنكشافى، سبب اولمش بشرده أخلاقِ سيّئه‌نڭ بردن بره إنكشافى.
شو مدنى بشرڭ حيرچينلاشمش روحنده، شو صورتلر دينلن كوچك جنازه‌لرڭ، متبسّم ميّتلرڭ روللرى پك عظيمدر؛ هم مدهشدر تأثيرى. (❊❊)
ممنوع هيكل، صورتلر: يا ظلمِ متحجّر، يا متجسّد ريا، يا منجمد هوسدر. يا طلسمدر: جلب ايدر او خبيث أرواحلرى.
سس يوق

سوزلر