سوزلر | يگرمى بشنجى سوز | 546
(485-611)

ايشته شو اوچ مثال گبى بيڭلر مسائلِ قرآنيه‌نڭ هر بريسى، سعادتِ بشريه‌يى دنياده تأمينه خدمت ايتمكله برابر حياتِ أبديه‌سنه ده خدمت ايدر. سائر مسئله‌لرى مذكور مسئله‌لره قياس ايده‌بيليرسڭ.


ناصل مدنيتِ حاضره، قرآنڭ حياتِ إجتماعيۀِ بشره عائد اولان دستورلرينه قارشى مغلوب اولوب قرآنڭ إعجازِ معنويسنه قارشى حقيقت نقطه‌سنده إفلاس ايدر. اويله ده: مدنيتڭ روحى اولان فلسفۀِ آوروپا و حكمتِ بشريه‌يى، حكمتِ قرآنله يگرمى بش عدد سوزلرده ميزانلرله ايكى حكمتڭ موازنه‌سنده، حكمتِ فلسفيه عاجزه و حكمتِ قرآنيه‌نڭ معجزه اولديغى قطعيتله إثبات ايديلمشدر. ناصلكه اون برنجى و اون ايكنجى سوزلرده، حكمتِ فلسفيه‌نڭ عجزى و إفلاسى؛ و حكمتِ قرآنيه‌نڭ إعجازى و غناسى إثبات ايديلمشدر، مراجعت ايده‌بيليرسڭ.


سس يوق

سوزلر