Ew îxtilafa di hedîsê da, îxtilafa musbete (belenî) yanê herkes jibo te'mîra meslega xwe û ji rewaca wîre dixebite. Û ji bo meslega yên dinê; ne ku ji bo texrîb û îbtala wan, belkî ji bo tekmîl (tekûz) û îslaha wan dixebite. Emma îxtilafa nelihev eve, ku, bi ẍerezdarî û edawetdarî ji texrîba hevre bixebitin. Ev îxtilafa ha, di nezera hedîsê da betale. Lewra ewan kesê wuha bihevda bikevin û bihevra mucadele û munazara bikin, ew musbet hereket nakin.

Ji sûala duduyara emê wuha cewab bidin û bibêjin: Terefdarî eger bi navê heqqê be, ev ji bo ehlê heqra dibe ku bibe melce û mekanê îltica û dexaletê. Lakîn terefdarîya vî zemanê, bi ẍerezkarî ku bihesabê nefsîye, ji bo mirowanê neheq melce û nuqta îstinad û sipartinî ji bo wan teşkîl dike. Lewra ew mirowê ku biẍerezkarî, terefdarî dike, ger şeytan bête bal wî û ji fikra wîre terefdarî û alîkarî nîşan bide ew mirov, ji wî şeytanîra ewê Rehmet bixwîne. Û eger ji terefê muqabil wî, mirovek mislê melek were, ewê wusan neheqîkî nîşan bide, biderecekî ku herwekî le'netê li wî bixwîne, heşa...